بالفيديو.. فتاة تبكي وتوجه رسالة للسيسي على الهواء

دخلت أمل عرفات، نجلة مواطن قتُل بالهرم ، في نوبة بكاء على الهواء، مطالبة الرئيس عبدالفتاح السيسي بـ«حق أبيها المقتول».

وقالت أمل، في حوار مع الإعلامية رولا خرسا، على قناة «LTC»، مساء السبت: «جالنا تليفون ثالث يوم عيد الفطر من أبناء صاحب محل الخراطة الذي يعمل به والدي، وقالوله هنهدم المحل لعمل حمام سباحة، مع إننا واخدين المحلات إيجار مفتوح ومش من حقهم يطلعونا منها».

وأضافت «أمل»: «أصحاب المحلات هددوا والدي وقالوله ليه ندفعلك فلوس لما ممكن نطلعك من غير ما ندفع حاجة فوالدي وأصحاب الورش التانين كانوا بيباتوا قدام المحلات علشان يحرسوها».

وتابعت: «في فجر يوم 16/8 دخل على والدى لودر علشان يهد المحلات فأصحاب المحلات مسكوا إيد بعض علشان يمنعوا اللودر إنه يهد المحلات وكان في ضرب نار عشوائي عليهم فوالدي اتقتل بطلق ناري».

وأكملت: «أنا بوجه رسالة للرئيس السيسي بأنه ياخدلي حقي أنا متعلقة في رقبتك يا ريس أبويا كان بيشتغل علشان يجبلنا 20 جنيه علشان يجبلنا الغداء، وأنا بتجيلي تهديدات كتير بأني أتنازل عن القضية وأنا عندي أمل إني اخد حق أبويا».