تفاصيل اعتذار السيسي للمحامين

 

أعرب الرئيس عبد الفتاح السيسي عن خالص اعتذاره لجموع المحامين عن اعتداء نائب مأمور قسم شرطة فاراسكور بمحافظة دمياط، على محامٍ وضربه بـ"الحذاء" في وجهه.

 

وقال السيسي: "أنا باقول للمحامين كلهم حقكم عليَّ، وأنا أعتذر لكم، وباقول لكل أجهزة الدولة من فضلكم لازم نخلي بالنا من كل حاجة، رغم الظروف اللي إحنا فيها"، موجِّهًا كلامه للواء مجدي عبد الغفار وزير الداخلية.

وأضاف، على هامش افتتاح 39 مشروعًا تنمويًا جديدًا: "أنا أعتذر لكل مواطن مصري تعرَّض لأى إساءة، باعتباري المسؤول بشكل مباشر عن أي شىء يحصل للمواطن، وباقول لأولادنا في الشرطة أو في أي مصلحة حكومية لازم ينتبهوا إنهم بيتعاملوا مع بشر، والوظيفة تفرض عليهم التحمل لأن المصريين أهلنا وناسنا، ومفيش حد ينفع يقسوا على أهله، عاوزين نأخد بالنا دايمًا ونكون مثل وقدوة".

واستشهد الرئيس بما حدث خلال زيارته الأخيرة لألمانيا والمجر بالقول: "كانت تعليمات الحرس بضرورة عدم الاقتراب من أحد أو التوقف من أجل أحد، ولكن أنا كسرت هذه التعليمات وأديت أوامر بعسكها، لإن المواطن المصري اللي مكلِّف نفسه وسايب شغله وحاله عشان يقول أنا معاكم مش ممكن أبدًا أقوله أمشي متشكرين، لأنهم أهلي وناسي، وما ينفعش حد يقسوا على أهله وناسه، إحنا لازم نرفق على بعضنا".