ريهام سعيد: حأعمل "بلوك" لكل الناس قليلة الأدب

ردت الإعلامية ريهام سعيد، مقدمة برنامج صبايا الخير، على شاشة النهار، على الهجوم عليها، بسبب دفاعها عن ياسمين النرش، صاحبة واقعة الاعتداء على ضابط شرطة بمطار القاهرة.
وقالت عبر حسابها الخاص على "فيس بوك": "أنا ابتديت أشك أن الناس بتسمع نفسها بس، أنا قلت دي أهلها محترمين، وهم فعلا محترمين، وهي غلطانة بس مش راقصة".
وأضافت: "هي غلطت وإحنا مش ملائكة، هي غلطت في حق نفسها، قلة الأدب اللي على الصفحة معناها أني صح، مش عايزينها تشتم ليه أما إنتوا أول ناس بتشتموا؟".
وتابعت: "أما أنا مش عاجباكوا بتدخلوا على صفحتي ليه؟ هي في السجن كفايه كلام على سمعتها، وكفايه إشاعات، ده كلام محترم واللي مش فاهم يبقى مش عايز يفهم، أنا حأعمل بلوك لكل الناس القليلة الأدب".