بالفيديو.. نصائح هالة فاخر لكشف الزوج الخائن والتغلب على "بوز" الزوجة

قالت الفنانة هالة فاخر: "أحلى حاجة في الدنيا الحب، وكل علاقات الحب بتنتهي بالجواز، حتى تتحول من علاقة حب إلى خناقات عنيفة ثم إلى حرب وكأنكو أعداء في البيت".
وأضافت "فاخر"، في برنامجها "هات م الآخر"، على قناة "صدى البلد"، اليوم الاثنين: "لما تلاقي مراتك ضاربة البوز إياه، مش لازم يكون فيه سبب لكده، ومتحاولش تعرف السبب "ازبلها" وهي هتفك لوحدها".
وتابعت: "لو جابلك هدية في وقت غير مناسب، ده معناه حاجة من اتنين، يا إما عامل عاملة وبيحاول يسبق، فلازم تحافظي على كرامتك واقبلي الهدية مع الحفاظ على البوز، والسبب التاني إن هو جايب الهدية لوحدة تانية بس حلقتله، ولو لقيتي الهدايا بتكرر من غير سبب يبقى هو بيخونك وش".
ووجهت "فاخر" نصيحة للزوج قائلة: "لو مراتك زنقتك وقالتلك كنت فين امبارح، قولها "انتي خسيتي اوي يا حبيبتي". 
وأشارت إلى أن الحياة الزوجية المصرية تتلخص في حاجتين "البوز وانتي خسيتي أوي يا حبيبتي".