بالفيديو.. حمدي أحمد: السيسي فاجئني بمكالمة.. واعتذر لي مرتين

 

وقال «أحمد» في حوار مع برنامج «حضرة المواطن» على قناة «LTC»، مع الإعلامي سيد على، مساء الأحد: «كنت في البيت، فبنتي بتقولي فيه اتصال من رئاسة الجمهورية، فبقولها مين يعني هيكلمنا من الرئاسة، فبكلمه بقول ألو، قالي أيوة يا استاذ حمدي، حمد لله على سلامتك، فبقوله مين قالي أنا السيسي».

وأضاف: «لا واسطة ولا أي حاجة أبدا، الراجل اتصل بيا، واعتذرلي مرتين المرة الأولى لأنه لم يأتي إلى المستشفى، والمرة الثانية قالي (بعتذرلك مرة ثانية لأني سألت عليك متأخر)».

ووصف حمدي أحمد «اتصال السيسي» بـ«الأخلاق العالية»، مضيفا: «الرئيس السيسي خلال الاتصال مقالش يا حمدي، إنما كان بيقولي يا استاذ حمدي، شيء راقي جدا».

وتابع: «اتصال الرئيس بي، رسالة لكل من قدموا فن راقي، بيقولهم بقدركم، وأنا زعلان من الفن غير النظيف».

وكشف حمدي أحمد عن إصابته بمرض خطير، قال: «أصيبت بشبه مرض فشل كلوي، ومكنتش قادر اتكلم خالص، والمية كانت على صدري ومبقتش عارف اتكلم خالص، فروحت للمستشفيات الخاصة بتاعتنا قعدت فيها شوية، وهما بيستنزفوني ومش عارف اتكلم ولا أقول حاجة غير كلمة (يارب)».

وأضاف: «بنتي أخدتني من المستشفى وقولتلها وديني أي مستشفى عسكري، هناك هرتاح، وكلمت صديق لي ودخلت أحد المستشفيات العسكرية».