بالفيديو.. تعليق ناري لـ"أديب" بعد منع "أحمد عز" من الظهور على "القاهرة والناس"

 
علق الإعلامي عمرو أديب، علي منع ظهور رجل الأعمال أحمد عز علي قناة "القاهرة والناس"، قائلًا: " ده مجتمع مش هيتحرك بالشكل ده.. ايه اللي اتعمل أحمد عز رجل عمل انترفيو ونزل.. أنتوا عارفين أني آخر واحد ادافع عن أحمد عز"، مؤكدًا: "جهة سيادية وراء منع ظهور عز".

وتابع أديب، خلال تقديم برنامج "القاهرة اليوم" المذاع علي قناة "اليوم": "ما يتذاعش الانترفيو أحمد عز.. عمل 6حلقات عن تاريخ حياته انتاجه وتصوير جوه المصنع عنده وأحسن المذيعات في العالم وبفلوسه وهينزل في المكان اللي عاوزه وهتنزل الحلقات قبل الانتخابات".

وأضاف أديب، قائلا:" مش عاوزين عز، قولوا ما تنزلش، أحمد بلاش ياحبيبي دلوقت عادي نتفرج عليه.. وننتقده"، موضحا:" الدولة اللي هتهتز لو أحمد عز نزل دا تبقا دولة هاشة أوووي ".