بالفيديو.. عمرو أديب ينفعل على الهواء: «الطيار الأردني ما ماتش»

أنفعل الإعلامي عمرو أديب، على الهواء، بعد مشاهدته مقطع فيديو لحرق تنظيم داعش الإرهابي للطيار الأردني، معاذ الكساسبة، قائلًا: «الفيلم، ده لازم يشوفه كل الناس، المرة دي اللي بيتقتل عربي مسلم، أخويا وأخوك، طيار في عمر الزهور». 

وأضاف خلال برنامج «القاهرة اليوم»، المذاع على فضائية «اليوم»: "الفيديو ده لازم يشوفه، أي «..»، في مصر لسه بيقول إن الإسلام هو الحل، وأن الجماعات الإسلامية هي اللي بتحكم، الـ 5 آلاف، اللى بيقتلوا ولادنا، واللى جابهم مرسي، وقعدهم في سيناء دول فرع داعش". 

وتابع: «أن عندي شك أن البطل ده مات، عشان الراجل ما بيموتش، قاعدين بيولعوا فيه وما بيموتش، دي معجزة بطل، الراجل ما ماتش، ده كان قوي ولا اتحرك ولا رمش، وكان واقف على رجليه، بيقرأ القرآن لآخر لحظة، كان أقوي من النار، اللي اتحرق فيها».