محمد عبد العزيز يسخر من المبررين لرفع أسعار الوقود

سخر الناشط السياسي محمد عبدالعزيز، القيادي السابق بحركة تمرد، من المبررين لرفع أسعار الوقود، قائلا: "إحنا آسفين عندكم حق زيادة الأسعار جميلة قرار رائع وفيه عدالة جدا". 

وكتب عبدالعزيز، عبر حسابه الشخصي على موقع التواصل الاجتماعي "فيس بوك": "إلى المطبلين والمبررين لأي قرار سابق ولكل قرار قادم.. إحنا آسفين.. عندكم حق زيادة الأسعار جميلة قرار رائع وفيه عدالة جدا ومافيش حل تاني وأي حد يضحك عليك ويقولك ممكن نفتح الصناديق الخاصة ونضمها على الموازنة أو تقليل الإنفاق الحكومي أو زيادة أسعار الطاقة للمصانع كثيفة الطاقة اللي بتبيع المنتج بالسعر العالمي رغم أنها بتاخد الطاقة بسعر مدعوم أو أننا نزود سعر بنزين ٩٥ أكتر عشان نحافظ على سعر السولار وبنزين الغلابة ٨٠ و٩٠ وأننا نعمل مفوضية لمكافحة الفساد اللي بيسرق أغلب الميزانية وأننا نعمل ضرائب تصاعدية شريحتها عالية في الدخول المرتفعة.. سيبك من كل ده قرار حكيم جدا زيادة الأسعار على الفقرا.. مافيش بديل يا جماعة مافيش حل.. بص في المراية كده.. فاكر أيام الإخوان كنا بنقول على اللي بيبرر إيه.. افتكرت.. بالظبط كده".