رسالة قاسية إلى ”آثار الحكيم”

بعد أن أصدر مكتب الفنان رامز جلال بيان كشف فيه أن الممثلة آثار الحكيم تتبع عملية "ابتزاز ممنهجة " لتحصل على 100 ألف جنيه وإلا "ستشن حملة ضارية ضد البرنامج من اجل حرق الفكرة والتشهير واعاقة تصوير باقي حلقات البرنامج" كان لبعض الفنانات رأيهم في الموضوع .

فكتبت الممثلة نهى العمروسي موجهة كلامها لآثار :" أنا مابتفرجش أصلاً على برنامج رامز جلال و باحس إنه فيه فجاجة فى مقالبه , بس بجد آثار الحكيم عملت له دعاية ب100 مليون دولار , و خلليتنى أتعاطف معاه و إحتمال أتفرج عليه من باب حب الإستطلاع , دة غير إنها نجحت بكل جدارة إنها تنفر الناس منها و تقضى على تاريخها الفنى و تمحى أى (آثار) لإعجاب بأى دور من أدوارها . الرحمة حلوة يا أستاذة آثار و لا أعصابنا و لا مرارتنا مستحملينك بصراحة ".

أما الممثلة نشوى مصطفى فدافعت عن رامز وكتبت عبر صفحتها :" شهادة حق -- قول على رامز متهور مجنون شقى -- لكن سمعت ان زميلتنا اثار قالت انه تحرش بيها وانها بتطلب سيادة الرئيس يقابلها زى ماقابل فتاة التحرير اللي اتعرضت للتحرش -- انا الحقيقة ماشفتش الحلقة اللي قالت فيها كده - اناسمعت ويارب تكون اشاعة - لكن للحق ياسر ورامز اتربو فى بيت محترم عمى جلال ربنا يديله الصحة وطنط قدرية ربنا يرحمها ناس محترمة وياسر ورامز عشرة عمر لم اجد منهم الا معاملة الاخت دوماً وثقتى فى اخلاقهم زى ثقتى فى اخويا ".