مها بهنسي تعتذر: كنت بعلق على فرحة الناس مش على التحرش

اعتذرت الإعلامية المصرية مها بهنسي على تعليقها على حالات التحرش بميدان التحرير، أمس بقولها: «مبسوطين بقى.. الشعب بيهزر»، مؤكدة على إن الموقف تم فهمه بطريقة خاطئة.

مها قالت –على حسابها الخاص على موقع «الفيس بوك»-: «أكرر اعتذاري لما صدر مني من تعليق غير لائق على الهواء أمس، التعليق في الأساس لم يكن موجه للمراسلة خالص.. هل من المنطق والعقل أن أي حد في موقعي يقول تعليق على واقعة زي دي على الهوا؟، أنا بعتذر على إن الموقف اتفهم كده.. مش إن أنا قصدت كده خالص.. يعني معقولة في حد ممكن يدخل عزاء ويضحك؟».

واعتبرت أن الهجوم عليها يعد حملة تشويه ضدها، مؤكدة على أن ما قالته كان تعليقا على فرحة الناس وليس على حالات التحرش، حيث قالت: «رداً على الحملة التشويهية ضدي.. التعليق لم يكن موجه لا للواقعة و لا للمراسلة و هي تسرد الواقعة.. و كان تعليق جانبي، أنا مش ببرر أنا بشرح الموقف للي عنده استعداد يعرف إيه اللي بيحصل.. أنا كنت بعلق مع الضيوف على فرحة الناس مش على التحرش.. أما بقى اللي حابب انه يشتم ده موضوع تاني».