فيديو.. «أديب» لمصور اغتصاب «التحرير»: «دافع عنها بدل ما تصورها ياحيوان»
أبدى الإعلامي عمرو أديب، انفعاله على واقعة تحرش عدد من الشباب بإحدى الفتيات، وتجريدها من ملابسها، أثناء الاحتفال بتنصيب المشير السيسي رئيسًا لمصر، قائلًا: «بعض الشباب عندنا سافل وقليل الأدب و.. ومش متربي، وبيضربوا نوع معين من المخدرات، و ماعندهمش أدب ولا أخلاق ولا مروءة».
وتابع «أديب» مهاجمًا مصور الواقعة، خلال برنامجه «القاهرة اليوم»، على قناة «اليوم»، مساء الاثنين: «حضرتك واقف بتصور ليه ياحيوان، البشمهندس سايبها تُغتصب وعايز يجيبها من تحت ومن فوق، إيه المُتعة أنك تحطها على النت؟».
وأوضح «أديب» اعتراضه على تكاتف الجامع والكنيسة للوقوف على حل تلك الأزمة، فقال: «ولا الهوا، دا جيل ضاع مفيش أمل فيه، إحنا عايشين مع ضباع سفلة في المجتمع، الترامادول والبانجو أكل دماغهم، ماتقوليش الخطاب الديني والإعلام، مدرسة إيه يا أبو مدرسة هو أنت كنت بتعلم؟، وخطاب ديني إيه؟، أنت عارف مين كانوا على المنبر؟، أنتم بتضحكواعلى نفسكم».
وتابع: «دا ممكن يعمل كده في أخته أو بنته، دي ناس ممسوحة بيخشوا الفيلم يتفرجوا على واحدة رجلها عريانة، هو الفقر بقى مرادف لقلة الأدب والرباية؟، إحنا البلد الوحيدة اللي بتنزل فيها الشرطة الشوارع علشان العيال اللي هيطلعوا يجروا ورا البنات بعد صلاة العيد».
.jpg)
