سلمى الصباحي تنتقد تساؤلات البعض عن ابنة السيسي

أعربت الاعلامية سلمى صباحي نجلة المرشح الرئاسي حمدين صباحي ، عن غضبها من تساؤلات البعض حول نجلة المرشح المنافس عبد الفتاح السيسي

وقالت على صفحتها الخاصة على الفيس بوك “بالنسبه للانتخابات ،، معركه انتخابيه المفروض تكون منافسه شريفه ومفيهاش تجريح .. في فرق كبير بين الانتقاد والتجريح .. وقبل ماننتقد اساسا لازم نعرف كويس كل مرشح برنامجه ايه وتاريخه ايه .. حملة حمدين عملت ميثاق شرف لكن للاسف كتير مش ملتزمين بيه .. على مدار اليومين اللي فاتوا سمعت وقريت تعليقات كتير فيها تجريح لكلا المرشحين من معارضيهم وكمان تعليقات كتير فيها تحيز مستفز مالوش اساس ولا اسباب من مؤيديهم .. يا جدعان ده مستقبل بلدنا وولادنا ! مش عِند!! الله يكرمكو ركزوا جدا في اختياركو والاختيار لازم يكون مبني على معرفه ! عشان ع الاقل لما تدافع عن اختيارك تكون عندك أسباب مش بتقول اي كلام تستفز بيه الناس وخلاص!”.

وأضافت هما شخصيات عامة وطبيعي يتعرضوا للانتقاد ،، لكن أُسَرهم ذنبهم ايه! بتستفزني جدا تعليقات لناس بتسأل عن بنت السيسي بتشتغل ايه ومتجوزه مين !! انتو مالكو!! هي قدرها انها بنت شخصيه عامه -واكيد هي فخوره بكده- لكن ده مايديش لحد الحق انه يتدخل في حياتها .. احترموا خصوصية الناس .. انا جربت الاحساس ده واتعرضت للظلم كتير بسبب اني بنت حمدين صباحي واللي مارضاهوش لنفسي مارضاهوش لغيري ، رجاء كل واحد يركز في المرشح اللي شايفه أفضل لمصر وفي الأخر كلنا عايزين مصلحة بلدنا
وفى سياق آخر أوضحت صباحي بما يخص المناظرة بين مرشحي الرئاسة “طبيعي ان لما يكون في اتنين بس مرشحين لرئاسة الجمهوريه تتعمل مناظره كبيره بينهم على الهواء مباشرة وده حق الشعب المصري عشان كل اللي لسه محتار يقدر يقرر صوته هيكون لمين” .