تعليق محمد السبكي علي وقف فيلم حلاوة روح

محمد السبكي: «حلاوة روح» لا يخدش الحياء العام.. و«اللي انتقدوه ناس مش بتتقي ربنا»

قال محمد السبكي منتج فيلم "حلاوة روح"، إنه فخور بعمله السينمائي، مطالبًا من هاجموا الفيلم "يشوفوه وبعدين يحكموا هل هو يخدش الحياء العام أم لا؟"، على حد قوله.

وأضاف السبكي، في مداخلة هاتفية لبرنامج "باختصار" مع الدكتور معتز بالله عبد الفتاح، على قناة "المحور"، قائلاً: "أنا لم يصلني أي جواب أو قرار بخصوص ما أصدره المهندس إبراهيم محلب رئيس الوزراء، بوقف الفيلم"، على حد تعبيره.

وتابع: "الفيلم مستمر وشغال في كل حتة في الدنيا، عدا قطر، ومحدش كلمني وأنا سمعت قرار رئيس الوزراء زي زيكم".

وواصل السبكي حديثه قائلاً: "الناس الكذابة طلعت شائعات بخصوص وقف البرنامج في الإمارات، وده محصلش لإنه اتعرض النهاردة هناك، والبلد الوحيدة التي لم يعرض فيها قطر"، على حد وصفه.

وتعليقًا على من يهاجمون فيلم "حلاوة روح"، قال السبكي: "دي ناس لا تتقِ ربنا؛ لأنها لم ترَ الفيلم، والواد الصغير دوره كويس، أنا فخور بالفيلم ده، وشوفوا الفيلم بعينكم وبعدين احكموا عليه". وأوضح أن "حلاوة روح، لا يخدش الحياء العام، والولد الصغير مش بيعمل حاجة وحشة، لكن الناس بتحاول تطبل وخلاص"، حسب قوله.