”10 أسباب تخليك تنتخب مرتضى منصور رئيسا ”.. حملة ”فيسبوكية ” جديدة

تداول عدد من نشطاء موقع التواصل الاجتماعي "فيس بوك وتويتر" تدوينه لهم ساخرين فيها عن الأسباب الحقيقة وراء دعمهم للمستشار مرتضي منصور المرشح المحتمل في الانتخابات الرئاسية المقبلة ورئيس نادي الزمالك الحالي،

قائلين "لو عايزه عسكرى... مرتضى عسكرى أكتر من السيسى... وقال كذا مرة إنه هيحلق للعيال زلبطة ويدخلهم الجيش علشان يتربوا.. عايزه مدنى... مرتضى هو ابن الدولة المدنية عايزه اشتراكى... عبد الناصر هو مثل مرتضى الأعلى

عايزه دينى... مشفتش صورته وهو بيصلى؟ يا راجل ده هزق ميدو لما شتم الإخوان... لو إنت بقى عايز دولة القانون .. مرتضى رجل قانون (قاضى ثم محامى ثم قاضى ثم محامى).

طب عايز تحارب الفساد .. مرتضى أكتر واحد هاجم الوزراء عينى عينك أيام مبارك.. مش كده وبس ده عمل كتاب سماه "ضد الفساد" أيام مبارك.. وشتم صفوت الشريف وأحمد عز ونظيف وعبد السلام المحجوب.. مخلاش يعنى" 

وأضافوا " طب عايز واحد ثورجى .. مرتضى متصور مع عياله وأحفاده جنب الدبابة فى التحرير قبل التنحى عايزه فلول.. مرتضى متصور قايل خطاب مشهور فى ميدان مصطفى محمود قبل ميروح التحرير بيومين بيشتم العيال اللى فى التحرير.. 

لو إنت رياضي "عايزه زملكاوى .. هو رئيس نادى الزمالك وبالصندوق عايزه أهلاوى .. عضويته فى النادى الأهلى أقدم من عضويته فى الزمالك

طب عايزه يبقى حاسس بالغلابة ومتواضع .. هو فلاح من ميت غمر وبيفتخر بكده عايز بقى تضحك على البلد دى وتضحك الناس عليها... يبقى مرتضى منصور برضه"