نهى العمروسى : أشكر كل اللى شوهوا سمعتى

فى أول تصريح لها بعد الإفراج عنها من سرايا النيابة عقب اتهامها بتعاطى وحيازة المخدرات ، أعربت الفنانة نهى العمروسى ، عن سعادتها بقرار حبسها ، معتبرة ذلك اختبار من الله لها للتطهر من ذنوبها .

وأوضحت "العمروسى" أن أزمة حبسها بتهمة المخدرات كشفت لها أصدقائها من أعداها ، موجهة الشكر لكلا الطرفين ، خاصة لكل من أساء إليها .

حيث كتبت عبر صفحتها الشخصية على موقع التواصل الاجتماعى "الفيس بوك" قائلة :" إللى حصل لى كان مؤلم جداً لإن الظلم وحش أوى , لكن أنا باحمد ربنا سبحانه و تعالى على إبتلائه ليا و على إنه إفتكرنى و إختار إنه يبتلينى" .

وأضافت :"اشكر كل قرايبى و أصحابى إللى وقفوا جنبى و على رأسهم أختى الوفية "هالة العمروسى" و صديقتى المخلصة "ولاء سعدة" وبنتى الغاليه "نازلي" و أحب أقولهم إنهم بمليون راجل و إنى باحبهم و أد إيه فخورة بيهم" .

وتابعت :"باشكر كل إللى إتعاطفوا معايا و كل إللى زارونى و كل إللى سألوا علية و إللى بعتولى رسايل و كل إللى دعوا لى ، و باشكر كمان كل إللى أساءوا ليا و شوهوا سمعتى لإنهم ساعدونى إن أتطهر من ذنوبى .