علاء عبد الفتاح يدعو لتنظيم وقفة احتجاجية أمام دار الأوبرا

دعا الناشط السياسي، علاء عبد الفتاح، لتنظيم وقفة احتجاجية، يوم الخميس المقبل، أمام دار الأوبرا، في الخامسة والنصف مساءً. 

وقال "علاء"، عبر صفحته على "فيس بوك"، اليوم الثلاثاء: "ادعوا كل محبي الحرية يشاركونا، يوم الخميس الساعة 5:30م عند تمثال سعد، أمام الأوبرا، الدعاء لكل المظاليم والدعاء على كل ظالم ‫.. الحرية للجدعان".‬ 

وجاءت الدعوى المنشورة على "فيس بوك": "الأسبوع الجاي كله محاكمات ثوار وطلاب، فيهم قصر وفيهم بنات، فيهم أصدقاؤنا وفيهم ناس منعرفهمش. لكن احنا متأكدين من إن كلهم محرومين من أبسط حقوقهم وإن كل محاكماتهم مسيسة، احنا عايزين نقف مع بعض نعلن تضامننا مع كل المسجونين باطل، نعّرف الشباب اللي ورا القضبان أننا واقفين معاهم، نعّرف الناس اللي فالشارع إن فيه آلاف المظاليم في السجون". 

وتابعت:"احنا هنقف قدام الأوبرا يوم الخميس الساعة 5:30، رافعين صور ولادنا والمظاليم اللي زيهم عند تمثال سعد زغلول، وبندعي كل أسرة لها ابن أو بنت ورا القضبان إنهم يضموا علينا ننادي بالإفراج عن ولادنا.. وكمان بندعي كل واحد متضامن معانا إنه يشاركنا في اليوم ده، أسرة علاء عبد الفتاح، أسرة أحمد دومة، أسرة أحمد ماهر، أسرة محمد عادل، وبمشاركة بعض أسر معتقلي المعادي وألتراس ثورجي".