نشطاء ”تويتر” لـ”البرادعي”: ”ليك وحشة يا راجل.. منلاقيش عندك حاجة لأنوشكا”

تباينت ردود فعل نشطاء التواصل الاجتماعي حول تغريدة الدكتور محمد البرادعي، صباح اليوم، فعلقت إحدى الناشطات تدعى نهاد: "أنت فينك مختفي ليه.. ليك وحشه يا راجل"، بينما سخر كامبوشا من التغريدة: "صباح الفل يا بوب.. ملقيش عندك حاجة لإبراهيم عبدالقادر أو علاء سلام أو أنوشكا"، أما ريهام حمدي فقالت "كده اللعب إحلو والبوب دخل على الخط أيه التنسيق العالي قوي ده براڤو بس بردو مش حتقدروا على الشعب إخس"، أما سارة فهمي فغردت: "ليالي الأنس في فيينا نسيمها من هوا الجنة".

 

ومن ناحيته قال الدكتور سليم: "البرادعي خائن وعارف إنه خائن ويتصرف كخائن العيب في اللي بروزوه في مصر من نخب مغيبة"، أما محمد نوارة فخاطب البرادعي قائلا: "لأول مرة أشوف البرداعي بيتوت بكليبات للدرجة دي يا بوب ممنوع من الحديث.. أخشى أن يتمكن منك الخوف يا دكتور برادعي".

 

أما الناشطة سميرة إبراهيم فقالت للبرادعي: "برضوا يا بوب الإخوان مش هيدخلوا الحياة السياسية تاني لأن اللي حصل لهم هو إقصاء شعبي والشعب فاق كويس جدا عقبال النخب".

 

كان الدكتور محمد البرادعي، نشر اليوم أغنية المطرب حمزة نمرة "وأقولك أيه" على حسابه الرسمي على موقع التواصل الاجتماعي "تويتر" وغرد قائلا: "ما حدش فينا مش خسران ولا مجروح.. ومتى نفوق".