عمرو الجزار بعد إصابته بالصليبي: من أصعب الاختبارات.. وسأعود أقوى من الأول

علق عمرو الجزار، مدافع الفريق الأول لكرة القدم بالنادي الأهلي، على إصابته بقطع في الرباط الصليبي، والتي تعرض لها خلال مباراة المقاولون العرب الأخيرة في مسابقة الدوري الممتاز.

وكتب الجزار عبر حسابه على إنستجرام: «الحمد لله على كل حال، وفي كل وقت، يمكن الإصابة دي تكون من أصعب الاختبارات اللي مريت بيها، لكني مؤمن إن كل حاجة بتحصل بقدر ربنا ولحكمة يمكن لسه مش شايفها».

وأضاف: «أنا راضي بقضاء ربنا، وصابر، وشاكر على كل نعمة في حياتي، وشاكر أكتر على كل الحب والدعاء اللي شوفته منكم في الوقت ده، رسائلكم، دعواتكم، وكلامكم كان ليهم أثر كبير عندي، ومش هنساه».

وتابع مدافع الأهلي: «أنا مؤمن إن ربنا مش بياخد حاجة إلا وبيعوض، وإن بعد كل صبر فرج، وبعد كل صعوبة قوة جديدة».

واختتم الجزار رسالته: «هبدأ رحلة العلاج والتأهيل بكل إيمان وصبر، وإن شاء الله أرجع أقوى من الأول، دعواتكم ليا.. الحمد لله دائمًا وأبدًا».