بعد إنكاره الزواج منها .. شمس تنشر صورة عقد زواجها من سعد الصغير

كشفت الفنانة شمس المغربي حقيقة ما قاله الفنان سعد الصغير بشأن زواجهما، مؤكدا أن كل ما قاله من قبيل الكذب والإدعاء.

ونشرت شمس المغربي وثيقة زواجها من سعد الصغير، وذلك عبر حسابها الرسمي بموقع التواصل الاجتماعي “فيسبوك”، وعلقت عليها قائلة: كل كلمه اتقالت في شرفي وعرضي هاحاسبك عليها يابتاع الاثار والسلاح انت بتعمل كل ده عشان تخليني أخاف واسحب البلاغ، مش هايحصل لو علي موتي المره دي وقول الا انت عايزه الناس عارفه حقيقتك ومحامين مصر كلها هاتدافع عني والحكومة هاتعمل تحرياتها وهايتأكدو كويس من جرايمك، إلا أنا لسه هاحكيها يا سعدية مراجيح، وخد بقالك ايدك بتترعش من الكذب.

وكان سعد الصغير قد رد على اتهامات الراقصة شمس له بوجود علاقة سابقة بينهما، مؤكدا أنها اتهامات باطلة لا أساس لها من الصحة.

وقال سعد الصغير خلال بث مباشر نشره عبر صفحته الرسمية بموقع التواصل الاجتماعي “فيسبوك”: من 2009 وهي عملت لي نفس القضية، ولكن الحمدلله اتحفظت وقتها، وبعدين بالعقل كدة أنا لو خطفتها هي وأخواتها، محدش منهم هيطلع يقول كده إني خطفته، ولو بتقول إنها اتخطفت ووديتها عند الدكتور، متعرفش مكانه علشان ترو ح تبلغ.

وأضاف: مكنتش تقدر تبلغ وقتها علشان تاخد فلوس، وخطفت بنت من دار أيتام وكتبتها بإسمها هي وابن خالتها، وخدوا البنت وراحوا على دبي.

وقدمت شمس المغربي بلاغا ضد سعد الصغير ورجل الأعمال صبري نخنوخ تتهمه فيها باختطافها وإجهاض جنينها.