علا رامي: صاحبتي خانتني ومش بفكر في الارتباط نهائي

أكدت الفنانة علا رامي أنها لا تفكر في الارتباط أو الزواج مرة أخرى، مشيرة إلى أنها تزوجت في سن صغيرة وأنجبت ابنها عمر خورشيد وأصبحت جدة، وأنها عاشت تجاربها بالكامل وأدت رسالتها على أكمل وجه

وخلال مداخلة تليفزيونية، قالت علا: أنا عايشة حياتي مبسوطة من غير زواج ومعنديش طاقة أرجع تاني وأفهم طباع حد أو أتحمل تحكماته، الواحد لما بيكبر بيبقى خُلقه ضيق، وفيه واحدة صاحبتي خانتني وده بيحصل كتير بس مش ده السبب اللي يخليني أتعقد من الزواج

وأضافت: الغيرة أحيانًا بتقتل العلاقة الزوجية مهما كانت قوية، أنا بقى صبري قليل أكتر من زمان، ونجلي عمر ورث حسن النية من والده إيهاب خورشيد وورث الحنان مني
وعن غيابها عن الساحة الفنية

وأشارت علا إلى أنها تمثل بقالها 37 سنة وقاعدة في البيت من 10 سنين من غير أعمال، مضيفه مفيش حد بيعرض عليا حاجة، وده حال كتير من الفنانين، مؤكدة أنها تعرضت للظلم الفني في بدايتها وحتى 15 سنة بسبب قلة القنوات والمنصات الرقمية، والفرص كانت محدودة وبالطبع مع تقدم العمر تغيرت الأدوار

وأخيرًا، علقت علا على النجومية الحالية: مافيش فنان رقم 1 دلوقتي، وما يصحش حد يعلن على نفسه الأعلى أجرًا أو نمبر وان، لافته أن كريم عبد العزيز وأحمد عز نجوم لهم جماهيرية كبيرة في الوطن العربي