إيناس مكي تحسم الجدل: ”أحمد أخويا وسندي وراجل البيت”

حسمت الفنانة إيناس مكي الجدل حول ما تردد عن وجود خلافات بينها وبين شقيقها الفنان أحمد مكي أو رفعها قضية ضده، مؤكدة أن هذه الأقاويل لا أساس لها من الصحة، وقالت إيناس، خلال لقائها في برنامج تفاصيل مع الإعلامية نهال طايل

«الكلام ده مش صحيح.. أحمد أخويا وحبيبي وظهري وراجل البيت، لو احتجت حاجة بكلمه في التليفون بلاقيه جنبي فورًا».

وأضافت أن شقيقها يمثل لها السند الحقيقي على المستوى الإنساني والعائلي:
«أنا عمري ما حسيت بالانكسار بسبب عدم وجود راجل في حياتي.. أحمد بيكفيني وبيخليني مش محتاجة أي حاجة تانية».

كما شددت على أنها لم تطلب يومًا من أحمد أن يرشحها لأي دور في أعماله الفنية:
«أنا عمري ما طلبت من أحمد يرشحني لدور.. هو لو شاف إني مناسبة لشخصية أو إن الدور هيضيف لي، هيكلمني من نفسه وأنا واثقة إنه لو شايف ده خطوة لقدام مش هيتردد».

وتطرقت إيناس مكي إلى أجواء الوسط الفني، قائلة:
«الوسط الفني فيه شللية ومحسوبية بس مش موجودة في بيتنا، أحمد مكي مش بيجامل حد في شغله وبيختار الناس اللي تضيف للعمل».