أول تعليق من محمد عبد الرحمن على انتقادات مسلسل ”بريستيج”

تحدث الفنان محمد عبد الرحمن على رد فعل الجمهور على مسلسله "بريستيج" وانقسامه بين معجب به وغير معجب.

وقال محمد عبد الرحمن خلال لقاء في برنامج "تفاعلكم": "هي تجربة جديدة واستثنائية على كل الموجودين فيها مش بس المخرجين لأ دا كمان على مهندس الديكور والمخرج، فإذا إحنا ارتضينا إننا نخوض التجربة دي طبعا في مثل بيقول لولا اختلاف الأذواق لبارت السلع، المسلسل هيعجب ناس ومش هيعجب ناس، وهيعجب ناس 50% وناس 30% وناس مش هيعجبها خالص".

وتابع محمد عبد الرحمن: "دي حاجة كويسة بالنسبة ليا بحب اسمع النقد اللي يقولي أنا غلطان في إيه قبل ما اسمع الرأي اللي يقولي برافو عليك، بالعكس ميضايقنيش لو حد قالي إنت غلط لما عملت كذا أو ناقصها كذا، دي حاجة تعلمني وتخليني في التجارب بعد كده أفهم أكتر وثقة الناس فيا بتديني ثقة وبتخوفني وتخليني أركز في اللي جاي".

واختتم محمد عبد الرحمن كلامه: "الانقسام اللي حصل دا معناه أنه مسلسل كويس يعني معناه فيه جدل وأنه عمل حالة جديدة، في ناس ممكن تعجبها حلقات معينة، محدش هيرسى على رأي 100%".