مش بعرف أقرا واكتب.. حمو بيكا يرد على قرار وقفه عن الغناء بسبب أغنية تمس الجيش

علق مؤدي المهرجانات حمو بيكا على تحويله للتحقيق بنقابة المهن الموسيقية وقرار إيقافه عن الغناء.

وقال حمو بيكا في فيديو له عبر حسابه بموقع التواصل الاجتماعي "فيس بوك":"الأغنية قلتها عادي وعمري ما أغلط وكنت بخدم في جيشي، ولو أعرف إن فيها ضرر أو غلط، عمري ما هنطقها، دي أغنية متداولة على يوتيوب وكل المطربين الشعبي بيغنوها، بس لما جيت غنتها الدنيا اتقلبت عليا"

واضاف بيكا،. "لازم أوضح الرسالة دي عمري ما أقدر أغلط في بلدي، وفي أي حفلة بأي بلد برفع علم مصر على كتافي وببقى فخور، لو أعرف وغلاوة بنتي تاني عمري ما كنت هغنيها مش بقول كده عشان أرجع شغلي، رجعت مرجعتش طالع بقول إن عمري ما أغلط في بلدي".

واستكمل:" عملتوا حاجات كبيرة أنا مش قدها، آه مش بعرف لا أقرأ ولا أكتب بس بسمع اللي بيتقال، ليه تكبروا المواضيع معايا أنا بالذات، أنا مش حمل أي حاجة ولو أي حاجة هتبعدني عن بيتي وبنتي مش عايزها نهائي خالص، وياريت اللي بيكتب بلاش توصل الكتابة في حتة مش بتاعتنا، نخدم بلدنا برقبتنا"