.jpg)
نجم الزمالك السابق عن ميدو: «النادي أكبر منه ومن الكل.. مفيش حاجة اسمها منقذ»
وجه أسامة حسن، نجم الزمالك السابق رسالة قوية إلى أحمد حسام ميدو، عضو اللجنة الفنية الحالية في النادي.
وقال أسامة حسن، نجم الزمالك السابق، في تصريحات عبر قناة «الشمس»: «أتمنى ميدو يمسك حاجة في نادي الزمالك».
وأضاف: «الفترة الأخيرة ميدو جه منقذ والسنة اللي فات جه منقذ، نزل الملعب وحفز اللاعيبة وجاب صفقات وبقى في اللجنة الفنية».
وأكمل: «أنا بقى عايز أحاسب ميدو، لأن كدة أنا مش هحاسبه، أنا عايز أشوف ميدو العالمي النجم الكبير وهو شغال في نادي الزمالك هيضيف إيه لنادي الزمالك».
وتابع: «منقذ، مش هحاسبه. هيقولك أنا عملت وسويت، هما عاملوا، أنا مش عايز كدة. نادي الزمالك أكبر من ميدو ومن كل الناس، مفيش حاجة اسمها منقذ، في واحد دلوقتي شغال في نادي الزمالك، الجمهور هيحاسبه والجمعية العمومية، هيجيلي منقذ لا».
