تامر حبيب لصناع أخواتي: ” أنتوا أزاي حلوين و شيك و ممتعين”

نشر السيناريست تامر حبيب ، منشور عبر حسابه الرسمي ،على موقع التواصل الإجتماعي فيسبوك ،طرح خلاله رسالة وجهها لصناع مسلسل أخواتي، الذي يشارك خلال السباق الرمضاني الحالي .

حيث كتب حبيب قائلا : " س : هو انتوا ازاي حلوين و شيك و ممتعين و مختلفين و مبدعين و مبهجين قوي كده ؟ "

وتابع حبيب " ج : لأنكم قاصدين و واعيين و مبوهوبين و مجتهدين و مقدرين معني ان العمل الفني الحلو اللي يستحق الإعجاب و التقدير هو العمل اللي تكونوا قاصدينه و فاهمين يعني ايه تخلقوله روح و عارفين كويس قوي ان الدراما هي عمل جماعي لازم تبقي كل عناصره علي قدر متميز من الموهبة و الاحتراف"

وقال السينارست تامر حبيب " ان كل عنصر من العناصر المحترمة المهمة دي يقدم احلي ما عنده علشان يبقي قد مسئولية اسمه و مسئولية العمل اللي هو مشارك فيه، و ان المايسترو اللي بيقود الأوركسترا الضخم ده يكون قائد محنك دايب في سيمفونيته… فتستحق المعزوفة كل احتراماتي و قبلاتي يا اطعم اخوات … يا اخواتي "

مسلسل "أخواتي" من بطولة" نيللي كريم وروبي وكندة علوش وحاتم صلاح وجيهان الشماشرجي وعلي صبحي"، ومن إخراج محمد شاكر خضير، وتأليف مهاب طارق، ويتكون من 15 حلقة.

ويعرض مسلسل إخواتي على قناة dmc الساعة 7:15 مساءً والإعادة الساعة 1:30 صباحًا والإعادة الثانية 9:15 صباحُا، ويعرض على dmc دراما فى تمام الساعة 10 ونصف مساءً والإعادة 6:15 صباحًا والساعة 12:45 مساءً.