كريم فهمي: أنا وياسمين عبد العزيز أمام تحدي كبير

كشف الفنان كريم فهمي عن تفاصيل دوره في مسلسل "وتقابل حبيب" مع ياسمين عبد العزيز، والمقرر عرضه بشهر رمضان المقبل.

وقال كريم فهمي أثناء لقائه في برنامج "مش شنطة رمضان": “مسلسل وتقابل حبيب مش سهل خالص بنتمني إنه يعجب الناس، أنا وياسمين حققنا نجاحا كبيرا في مسلسل ونحب تاني ليه، فإحنا عندنا تحدي كبير إننا نكرر النجاح ده، وإحنا بنحاول إننا منكررش نفسنا بشكل ما ونظهر بطريقة مختلفة في وتقابل حبيب".

وأضاف فهمي: "شخصية فارس اللي بجسدها في المسلسل مختلفة خالص عن باقي الشخصيات اللي معانا، هو بيفكر بطريقة مختلفة عنهم شوية".

ويشارك في مسلسل "وتقابل حبيب" مجموعة من أبرز النجوم منهم؛ ياسمين عبدالعزيز، ونيكول سابا، وخالد سليم، وكريم فهمي، ورشوان توفيق، ومنة عرفة، بالإضافة إلى عدد آخر من الفنانين، والمسلسل من تأليف عمرو محمود ياسين، ومن إخراج محمد حمدي الخبيري.