النجمة هنا الزاهد: أتمنى الارتباط بشخص من خارج الوسط الفني

قالت النجمة هنا الزاهد إنها ترحب بالارتباط، وتفضل أن ترتبط بشخص من خارج الوسط الفني.وأضافت في لقائها مع الإعلامية منى الشاذلي في برنامج "معكم" المذاع عبر قناة ON: "نفسي أرتبط مين مابيحبش الحب. ومش عايزة حد في الوسط الفني، لا مخرج ولا منتج وبعيد كل البعد عن المجال".

وتابعت: "كده أحسن لكن يكون متفهم إن الشغل صعب شوية، ويشجعني ويديني دعم وأنا هدعمه، وأكيد طيب وحنين، وشخصيته قوية جدا بس معايا كيوت".

أوضحت هنا الزاهد أن حياتها الشخصية تتسم بالهدوء والبعد عن الصخب قائلة: "أنا شخصيتي في الحقيقة مش زي الوسط الفني، الوسط تلاقيهم يخرجوا وفي شلة، أنا معنديش شلة، أنا أعرف كذا حد كلهم زمايل وقريبين مني، لكن أنا بيتوتية جدا وخروجاتي معروفة وحياتي هادية، وفي علاقاتي بالناس مش أي حد يدخل دايرتي، وعايزة حياة كده شبهي".