«كنت عايزيني انتقل لـ الزمالك».. نجم بيراميدز يفاجئ خالد الغندور برسائل قوية بعد هجومه عليه

أزاح مهند لاشين، لاعب خط وسط الفريق الأول لكرة القدم بنادي بيراميدز، الستار فاتحًا النار على الإعلامي خالد الغندور.

كان خالد الغندور، قال في تصريحات سابقة له (مش عارف ليه الدوشة اللي عاملينها على مهند لاشين، أنا شايفه لعيب تقليدي جدًا ومش مستاهل ياخد كل الدوشة دي، ولم نرى له أي بصمة مع طلائع الجيش).

وقال مهند لاشين، خلال حواره مع الدكتور عبدالرحمن سعيد، عبر «يوتيوب»: «أنا معرفش ليه خالد الغندور، قال عليا كده، هو من الناس اللي بحبها»، مضيفًا: «خالد الغندور، قبل التصريح ده كانت علاقتي بيه كل ما يقابلني يقولي (لازم تيجي الزمالك)، فجأة أنا لم انتقل للزمالك لأسباب كثيرة، فقال (عاملين دوشة عليه ليه)».

وأضاف: «يا كابتن خالد، أنا بحبك وبحترمك ولحد دلوقتي بحبك وبحترك بعد اللي قولته، بس أنا قبل التصريح ده كنت كل ما تقابلني تقولي (لازم تيجي)، بعدها تطلع تهاجمني بسبب عدم انتقال للزمالك!»