”مش مسامح اللي ظلمني”.. تامر حسين ينشر وصية غامضة بعد وفاة محمد رحيم

نشر الشاعر تامر حسين رسالة غامضة من خلال حسابه الشخصي على موقع فيسبوك وذلك بعد وفاة الملحن محمد رحيم.

كتب تامر حسين: بُمناسبة الوفاة وركوب الأحداث أنا موصي أهلي وب أوصيكم أتمنى لما أقابلِ رب كريم مايطلعش شخص يستعطفكم ويقول ده حبيبى ولا أخويا ولا سامحنى ولا الكلام الحلو اللى كان لازم يتقال ف حياتي.

أضاف قائلا: اللي ظلمني واللي ياما أنكر حقوقى الإنسانية وحقوقي أدبية وحقوق أخرى لا داعي لذكرها ربنا أعلى وأعلم بيها وتجاوز ياما فى حقي (ف العلن وف الخفاء) اغتابني وحاول ياما يشوه صورتي ويكره الناس فيا ويزيف الحقايق.

واختتم حديثه قائلا: أنا مش مسامح ليوم ما أقابل رب كريم على كم الغل والأذىّ والقسوة اللى شفتها من الشخص ده إلا إنه يعتذر فى العلن زى ما غلط فى العلن ماحدش ضامن عُمره فا حبيت أقولها وأنا على قيد الحياه بدل ما يتضحك عليكم فيما بعد.