بعد اعتذارها… تامر حسني يرد على شذى: ولا يهمك المسامح كريم

علق الفنان تامر حسني عبر موقع التواصل الاجتماعي للصور والفيديوهات الشهير إنستجرام على إعتذار الفنانة شذي له ، وذلك عبر صفحتها بالتطبيق ذاته .

وقال تامر حسني: ولا يهمك يا أوزه، كفاية إنك كتبتي الكلام الجميل ده ربنا يوفقك ويسعد قلبك يا رب.. المسامح كريم.

لترد عليه شذى: "روح قلب أوزه تستاهل كل حاجه حلوة والله يا أبو قلب أبيض وحلو زيك".

والجدير بالذكر أن كانت الفنانة شذى، قد نشرت تعليقا عبر حسابها على موقع التواصل الاجتماعي انستجرام تعتذر فيه للفنان تامر حسنى.

وقالت شذى: من غير ما أفكر وأحاول ارتب الكلام إنت أكتر واحد في العالم عارف حبي ليك قد إيه وأكتر واحد برضوا عارفني وعارف أني على الله حكايتي ودماغي بتسوحني كتير، حقك عليا ودايما العتاب بيكون على قد الغلاوة وعلشان غلاوتك كتير هبت معايا زيادة متزعلش مني، وهتفضل صاحب عمري اللي عدينا مع بعض كتير الوحش قبل الحلو يا وش قفص قلبي.