النهار
الجمعة 20 نوفمبر 2026 02:13 صـ 9 جمادى آخر 1448 هـ
جريدة النهار المصرية رئيس مجلس الإدارة ورئيس التحريرأسامة شرشر
أحدهما خلال العمرة والآخر بمسقط رأسه.. رحيل شقيقين من قنا في ساعة واحدة فوز عبد الفتاح أبو زهرة بلقب أول الأوائل عالميًا للقرآن الكريم بقطر صحة بني سويف تبدأ خطواتها التمهيدية لتأهيل المستشفيات لمسار الاعتماد عشان والدها فسخ خطوبتها.. فتاة تنهي حياتها شنقًا داخل غرفتها في قنا محمود عودة لـ«النهار»: الصرف الصحي بالإسكندرية شريك أساسي في حماية البيئة وتحقيق التنمية المستدامة مصادر مطلعة لـ«النهار»: لا صحة لاختفاء ملك الأردن وولي العهد.. وشائعات المروحية تستهدف إثارة الفوضى والبلبلة بالمملكة وزراء خارجية مصر ودول عربية وإسلامية يرحبون بقرارَي حكومتَي المملكة المتحدة وأستراليا فرض عقوبات ردًّا على الأنشطة الاستيطانية الإسرائيلية غير القانونية... لانا نسيبة.. من مقعد الدبلوماسية في مجلس الأمن إلى سباق قيادة الأمم المتحدة.. أول سيدة عربية تترشح لمنصب الأمين العام جامعة الدول العربية تدين استمرار اعتداءات ميليشيا الحوثي الإرهابية على السعودية (مستقبل وطن) يوقع بروتوكول تعاون مع الشباب والرياضة لتطوير 27 مركز شباب على مستوى الجمهورية مصر في خريطة النمو السكاني العربي.. ماذا تكشف توقعات عام 2050؟ تحديد موعد ختام دورة pro الأولى وتسليم الشهادات لـ26 مدربًا مصريا

فن

نجوى فؤاد لـ يارا أحمد: ربنا قسملي الرقص ونجحني فيه ومعنديش مصدر دخل غير الفن

نجوي فؤاد ويارا أحمد
نجوي فؤاد ويارا أحمد

كشفت الفنانة نجوى فؤاد، تفاصيل حالتها الصحية بعدما تعرضت لوعكة وذهبت على إثرها لأحد المستشفيات لإجراء بعض الفحوصات الطبية، بجانب الكشف عن اختيارها للفنانة نيللي كريم لتقديم سيرتها الذاتية في عمل فني، وذلك خلال مداخلتها الهاتفية مع الإعلامية يارا أحمد، في برنامجها نجمك مع يارا، المذاع عبر شاشة قناة “هي”.

أبرز تصريحات نجوى فؤاد مع يارا أحمد:

- وعكة عادية وكل إنسان معرض، وأنا عملت أشعة على رجلي عندي تعب في ركبي والقطنية.

- لجأت للنقابة من شهرين أو تلاتة، علشان يساعدوني الكشف والعلاج، والنقابة معندهاش استعداد غير لعلاج بسيط وتحاليل.

- جمهور مبيشوفنيش على الساحة خالص علشان لأني مش قادرة أقاوم أني أقف وألبس واتمكيج وأظهر بلياقتي العادي، مش قادرة الحقيقة.

- معاش النقابة 600 جنيه بس، وأشرف زكي مالوش ذنب هو موظف في الأول والآخر، وأنا مكنش عندي رد غير أني أقوله أشوفك بخير وبشكره أنه اهتم بيا واتصل بيا.

- أشرف زكي عرض عليا أني أخد من فلوسه الخاصة لو محتاجة، قولتله لأ مستورة لغاية دلوقتي.

- معنديش مصدر دخل خالص، ودي حاجات بتبقى خاصة مقدرش أتكلم فيها والحمد لله مستورة.

- الفن غدار وكل مهنة غدارة، والفن بيحب الفنان يكون بيبرق على طول وحالته السليمة على طول، وساعات بيكون في مطبات بيقع فيها الإنسان بتكون بإيد ربنا.

- أنا معتزلة الرقص بقالي 17 سنة، ولكن مش هعتزل التمثيل.

- بيجيلي أدوار ولكني مش قادرة أقدم عمل جيد وأكون واعية من غير مسكنات وحقن، مش عايزة أتعب المنتج اللي بياخدني أجي أقوله في النص أنا تعبانة مش قادرة أكمل، والفن ولا أي شغلانة مفيش فيها كلمة أنا تعبان.

- ربنا قسملي الرقص ونجحت فيه، وربنا أراد أنه ينجحني في الرقص وشُفت فيه كل الأيام الحلوة، وحب الجمهور أكبر ثروة بالدنيا.

- ندمت شوية على قرار عدم الإنجاب، لأن في الظروف اللي إحنا فيها دي مين كان هيربي كويس معايا، أنا مكنتش متفرغة، وكل حاجة ربنا مقسمها وكله بيتنفذ من عند ربنا.

- بحب فيفي عبده ودينا على المستوى الشخصي بعيدًا عن هما بيشتغلوا إيه.

- دينا عاقلة ومتطورة، وفيفي دمها خفيف والكاريزما بتاعتها بتخلي اللي مبيحبش يحب، وأنا بحبها أوي أوي وهي لطيفة وعفوية ومش مصطنعة.

- أختار نيللي كريم تعمل سيرتي الذاتية، بحب فيها كل حاجة، ربنا يوفقها ويسعدها ويخلي ليها ولادها، هي ست جميلة ولذيذة وفيها ميزات كتير الحقيقة.

- إن شاء الله ربنا يشفيني وألتقي بـ جمهوري في عمل فني يعوض اللي فات.

يذكر أن برنامج نجمك مع يارا يعرض يوم أربعاء من كل أسبوع في تمام الساعة 10 صباحًا، وإعادة يوم الخميس في الساعة 1 بعد منتصف الليل، والبرنامج من إعداد مروة محمد ورانيا عبد اللطيف، على شاشة قناة هي.