«مهرجان عالمي بكل المقاييس».. أول تعليق من تامر حسني بعد حفله بالعلمين

أعرب الفنان تامر حسني، عن سعادته بنجاح حفلته ليلة أمس، ضمن فعاليات مهرجان العلمين، بمسرح U Arena، مؤكدًا فخره بأن مصر تمتلك أول مهرجان عالمي حقيقي بكل المقاييس.

وقال حسني، عبر حسابه على انستجرام: فخور إن مصر بقى فيها أول مهرجان عالمي حقيقي بكل المقاييس، مهرجان العلمين في نسخته الثانية وبجد من كل قلبي فرحان بكل الحضور الكريم وبالاستعراضات والمواهب اللي قدمتها وعباقرة المسرح العربي اللي ساعدوني في تصميم وإخراج المسرح بالشكل ده، بشكرهم إنهم بيصدقوني في كل حفلة وفعلًا بنطلّع كل مرة نتيجة أجمل من اللي قبلها لأن جمهورنا يستاهل يشوف الإبهار اللي في العالم بره إنه بقى في مصر.

حفل تامر حسني بالعلمين

وشهد حفل النجم تامر حسني في مهرجان العلمين الجديدة، حضورا جماهيريا ضخما رفع شعار “كامل العدد”.

وقدم خلال الحفل عروضًا مذهلة لطائرات استعراضية فى سماء العلمين فوق مسرح U Arena قبل صعود تامر، وكتب على الطائرات بنحبك يا تامر وسط تصفيق الحاضرين، ليقدم بعدها تامر حسني باقة من أجمل أغانيه الجديدة والقديمة.