تامر حسنى يُعلن تاليه ابنته مديرة لأعماله.. (تفاصيل)

كشف الفنان تامر حسني، عن توالي ابنته تاليه حسني، إدارة أعماله في حفلته التي أحياها في كلية إعلام مؤخرًا.

ونشر تامر حسني مقطع فيديو من كواليس الحفل برفقة ابنته تاليه، عبر حسابه الرسمي بموقع التواصل الاجتماعى «إنستجرام»، وعلق قائلاً: قصة الڤيديو اللي جنبي هو استاذ عمرو مخرج الحفلة صاحبي وكنا في كلية إعلام مع بعض وفرحت اوى لما شوفته يومها بيخرج حدث مهم كده.

وأضاف: اما حبيبة قلبي تاليه.. جاتلي من اول اليوم قالتلي انا النهارده مديرة اعمالك وهتسمع كلامي في كل حاجه قولتلها حاضر بس الشغل مفيهوش هزار ركزي في كل التفاصيل، قالتلي حاضر وطلعتلي البدله اللي عجباها وجزمه ضيقه عليا، بس هى صممت عليها وانا قولت حاضر.

وتابع: واختارتلي الاغاني ورتبتهم وماشيه جانبي بقى عامله وش الجد ومش بتهزر قال يعني كده مديره لحد ما اتكسفت كده والطفلة اللي جواها اللي بموت فيها ظهرت في الضحكه ربنا يحفظك يا حبيبتي ويحفظ كل ولادنا.

آخر أعمال تامر حسني

ويشار إلى أن آخر أعمال تامر حسني تعاونه مع النجمة الصاعدة مها فتوني في أغنية 30 حياة، التي حققت نجاحا كبيرا عبر المنصات الرقمية.

وتعاون تامر حسني في أغنية 30 حياة مع الفنانة مها فتوني، كلمات تامر حسني ومؤمن راجح، وإخراج تامر حسني، ألحان مودي منير، وتوزيع كريم أسامة.