خناقة بين هند عاكف وليلى الشبح في عزاء الموسيقار حلمي بكر

نشبت مشاجرة بين المنتجة ليلي الشبح وهند عاكف في عزاء الراحل حلمي بكر ، المقام حاليا في مسجد الحامدية الشاذلية بالمهندسين .

وقالت ليلي الشبح لهند عاكف خلال المشاجرة : فين ال 2 مليون جنية يا هند يا عاكف ، أنتي جاية تمشي في قتيل ؟ أنتم عالم نصابين ، هند عاكف أنتي جاية ليه ؟ .

سبق واتهمت المنتجة ليلي الشبح ، أرملة الراحل حلمي بكر ، سماح القرشي بتعذيبه ، وذلك في تصريحات صحفية لها عقب تشيع جثمان الراحل الموسيقار حلمي بكر ، حيث قالت : مراته كانت بتعذبه ، وكان عنده برنامج في المدينة وسيد عمر المصور راح له جابه وحجزته معاه وقفلت عليهم ، وعذبت حلمي بكر وشتمت سيد عمر المصور بتاع المدينة .

وأضافت ليلي الشبح : مراته أساءت له وشتمته قدام سيد عمر ، وسيد عمر قالها طب إنتي قصتك مع جوزك خرجيني أنا من الشقة ، راحت شتمته …أنا مبتواصلش معاها خالص ، وأنا زعلت وقولت لحلمي بكر مترجعش ليها ، لأنها عذبته قبل كدا ، وجابت له بلطجية ، وكانت بتولع السجاير وتطفيها في جسمه ، ومكنش بيحبها وكان عايش معاها علشان بنته .

وتابعت : جابت بلطجية علشان تاخد الجثمان وتدفنه الساعة عشرة ، واللي حصل ده مينفعش ، ده قيمة وقامة لينا كلنا ومينفعش مراته تعمل كده .

كما علقت ليلي الشبح علي أزمة دفن الموسيقار حلمي بكر وعدم دخول الجثمان في ثلاجة الموتي أكثر من 12 ساعةً، قائلة : النقيب مصطفي كامل مقصرش ، ولكن كان لازم هشام نجل حلمي بكر واخواته يكونوا موجودين … وقبل كدا مرات حلمي جابت لأحمد أخوه بلطجية ، وكانت بينهم خناقات .