رحلة «كريم» لبيع البلح الأسواني في الغورية للاستعداد لرمضان:«بقالي هنا 25 سنة»

رحلة شاقة يتحمل عنائها «كريم » يمر بها كل عام بسبب قدومه من أسوان إلى القاهرة قبل رمضان بشهر تقريبًا، كي يبيع البلح الأسواني الذي اشتهر ببيعه في حي الغورية، ليقابل زبونه في كل عام بوجهه المبتسم وبشرته السمراء ويشرح له الأسعار المتفاوتة والأنواع التي يفضلها.
«بقالي 25 سنة ده مكاني، وبجاي كل سنة قبل رمضان بشهر علشان ابيع البلح».. بدأ كريم محمد، بائع البلح، حديثه لـ«النهار» بحكاية قدومه كل عام من مدينته الساحرة أسوان كي يبيع البلح الأسواني والذي يأتي به من أرضه كي يبيعه في أحياء القاهرة القديمة.
يبدأ يفترش «كريم » ببضاعته في شهري رجب وشعبان قبل حلول رمضان، وتنتهي رحلته في بيع البلح قبل رمضان بأيام قليلة، موضحًا:«بكون كده حضرت الموسم وبعت البلح فبرجع تاني أسوان علشان أحضر رمضان وسط أهلي».
وفيما يخص الأسعار فأنها متفاوتة تبدأ من 30 جنيه، حيث أن هناك زيادة طفيفة في سعر البلح عن العام الماضي، قائلًا:«الإقبال حلو لغاية دلوقتي علشان في ناس بتحب تحضر لرمضان قبلها بفترة، والبلح ده أساسي في سفرة رمضان».