خيري بشارة: دفنت شريهان بأيدي

روى المخرج الكبير خيري بشارة، الصعوبات التي واجهته في أعماله السابقة،وقال خيري بشارة، خلال ندوته المُقامة حاليًا بمعرض الكتاب، تحت عنوان “حياتي في السينما”، ويُديرها المخرج أحمد فوزي صالح: من الصعوبات اللي واجتها أثناء التصوير، فوجئت بكارثة، لقيت ملابس الفيلم مش كويسة ووقتها ضغطي علي عليا، وروحت السوق بنفسي أشتري اللبس، ووقتها لما عملت ده بنفسي الممثلين اتفاجئوا.

وأضاف خيري بشارة: مرة دفنت شريهان في الحفرة أثناء تصوير مشهد، وصممت إنها تتدفن بجد ويحطوا التراب، وقتها شريهان قالتلي حاسه إن قلبي هيقف، ولما خلصنا تصوير وشوفت نبضها عرفت إنها فعلا كانت تعبت، ولقيت نبضها ضعيف مكنتش عارف أعمل إيه.

وعن حياة خيري بشارة الشخصية، رد قائلًا: مريت بأيام مُرة في حياتي وصعبة، ومن كتر الألم مش قادر أتذكر اللي مريت بيه، وطلعت ده بالفن، زي فيلم يوم مر ويوم حلو.