أحمد أمين عن طه دسوقي: هي دي المناظر اللي بنشوفها لما نبطل نحبط المواهب
علق الفنان أحمد أمين، على نجاح طه دسوقي بمسلسل "حالة خاصة" خلال الفترة الماضية، وعلى منح الشباب فرصة لكي ينجحوا بالوسط الفني.
ونشر أمين، صوره تجمعه بطه دسوقي وكتب عليها معلقًأ:" هي دي يا سيدي المناظر اللي بنشوفها لما نبطل نحبط المواهب و نخاف ندي مساحة لحد معملش حاجة قبل كدا..بنشوف مناظر تشرف وتفرح زي طه الدسوقي في أول بطولة.. وعبد العزيز النجار كمخرج في أول مرة إخراج لعمل درامي".
وأضاف:" ده الحقيقة الدور اللي لازم دايما نعمله اننا نصدق في مواهب جديدة تستحق ونسيبلها المساحة والفرصة.. ساعتها هيفرحونا ويتحولوا لمكاسب ونجوم تنور وتأثر، وهي مصر كدا هتفضل ولادة ومليانة مواهب وأجيال جديدة تستاهل أحلى تحية وسلام، مش هاقول لك مبروك يا حبايبي ليكم أنا هاقول مبروك للمجال انضمامكم له كفنانين كبار ".
مسلسل "حالة خاصة مكون من 10 حلقات، وعرض على مدار الأسابيع الماضية على منصة watch it، ومن بطولة طه دسوقى، غادة عادل، أحمد طارق، هاجر السراج، حسن أبو الروس، وئام مجدى، أحمد الأزعر، على سبع، لينا إيهاب، نبيل على ماهر، الطفل أدم وهدان، أدم النحاس وتأليف مهاب طارق وإخراج عبد العزيز النجار وإنتاج طارق الجناينى.
.jpg)
