صلاح عبدالله : محمد صلاح عمل كتير أوي لمصر وإحنا مش نفس مستوي ليفربول

علق الفنان صلاح عبدالله علي الهجوم الذي تعرض له نجم كرة القدم اللاعب محمد صلاح عقب مباراة مصر وغانا بكأس الأمم الأفريقية .

وقال صلاح عبدالله في تصريحات تلفزيونية له : محمد صلاح عمل لمصر كتير ولو عايزينه يلعب زي لعبه مع ليفربول هاتوا له اللعيبة اللي بيلعبوا معاه .

وأضاف : صدق لما قال نجيب محفوظ آفة حارتنا النسيان ، مينفعش ننسي كل اللي عمله محمد صلاح للمنتخب ، صلاح عمل كتير للمنتخب ، وصورةً رائعة لمصر وأوروبا والعالم كله ، والدوري الأنجليزي بيشوفه 4 مليارات شخص في العالم علي الأقل فيهم مليار يعرفوا مصر بالكاد دلوقتي فيه 3 مليار تانين بيعرفوا مصر بسبب محمد صلاح .

وتابع : مش كل العالم عارفة مصر ، ولكن الكثير منهم عرفوا بلدنا مصر بسبب محمد صلاح والكرة ، علشان كده بقول محمد صلاح عمل لنا كتير .

واستكمل : محمد صلاح عمل للمنتخب لكن إحنا انفعاليين … في مرة صلاح عمل حاجة وانا زعلت وعملت إفيه وقولت مش هشجع ليفربول تاني ، والمقصود بالجملة إن بشجع ليفربول بسبب محمد صلاح ، محمد صلاح عملنا صورة رائعة في أوروبا .

وأشار الفنان صلاح عبدالله ، إلي أن تعامل البعض مع محمد صلاح علي أنه غير قابل للنقد ، يضع ضغطا علي اللاعبين الآخرين ، مستنكرا مطالبة البعض لصلاح بتقديم أداء مماثل لأدائه في ليفربول .

واختتم صلاح عبدالله ، قائلا: أعجبتني تدوينة الفنان نبيل الحلفاوي ، قال فيها : لو عايزين صلاح يلعب بنفس أداءه في ليفربول ، هاتوا له نفس مستوي لاعيبة ليفربول … إحنا مش في نفس المستوي ولازم نكون متصالحين مع الفكرة دي .