شقيقة صلاح رمزي تنعيه برسالة مؤثرة: ”طول عمرنا 4 عمرنا ما هنبقى 3 يا صلاح”

نعت المنتجة شهد رمزي شقيقها صلاح رمزي الذي وافته المنية نهاية الأسبوع الماضي، نتيجة تعرضه لأزمة بالمخ، ليدخل الأخير في غيبوبة طوال هذه الفترة.

وكتبت شهد رمزي عبر حسابها على إنستجرام: أول مرة ابقي مش عارفة اتكلم ولا أقول حاجهة وأعبر عن جرح ووجع مزمن، فراقك مش هيكون أسهل مع الأيام، بالعكس هيكون أصعب بكتير كل يوم، وجودك كان كفاية، كلامك الحلو والله كان كفاية، حبك كان كفاية.

وأضافت: كنت الحاجة الوحيدة اللي بتحسسني بالحب اللا محدود، كنت بتعوضني عن فقدان أبويا، مش قادرة أتخيل إني مش هشوفك تاني، ولا عارفة أصدق ولا عارفه هكمل اللي باقي من عمري إزاي من غيرك، أتولدت لقيتك وكنا طول عمرنا 4 عمرنا ما هنبقي 3 يا صلاح، هتفضل موجود معايا في كل حاجة، بحبك وبموت فيك وبعشقك.

وأكملت: مش عارفة أنام يا صلاح، الابتلاء المرة دي أقوى من أي حاجة والحمد لله على كل حاجة، الحمد لله إني عشت معاك أحلى أيامي وحياتي، الحمد لله إني أختك يا أحلى وأحن وأجمل أخ في الكون.. وحشتني أوي.