أول تعليق من نجوى إبراهيم على إعلان إصابتها بمرض السرطان

علقت الإعلامية نجوى إبراهيم على كشفها عن أمر مرضها خلال إحدى حلقاتها ببرنامجها المذاع على نجوم "أف ام"، والتي قالت من خلاله أنها تعاني من مرض السرطان.

وقالت خلال الحلقة الجديدة من برنامجها، بيت العز، " الأسبوع اللي فات حسيت إني غلطت جدًا، أنا مش من النوع الشكاي، واللي قلته مكنش شكوى كانت مشاركة معاكم ".

وأضافت:" لما روّحت قعدت أبكي يومين ثلاثة، لإني لقيت ناس كثيرة مليانة حب، وكمية الدعوات اللي جاءت لي لو كانوا هيقطعوا إيدي مش هتتقطع من كثرة الدعوات، رب ضارة نافعة".

واستكملت:" جلد الذات طبيعتي وضميري مستيقظ علطول قلت ليه أنكد عليكم؟ كل واحد فيه اللي مكفيه، وليه أطلع أقول كدة، والموضوع بقاله شهرين ثلاثة، وبجري فيه لوحدي مع ولادي وعيلتي، مكانش يصح أقول كدة ".