حاسة أني مقصرة.. أبرز تصريحات عائشة بن أحمد في ”مساء الإمارات”

حلت الفنانة التونسية، عائشة بن أحمد، ضيفة ببرنامج "مساء الإمارات"، ويقدمه الإعلامي المصري عبد العزيز أحمد.

وقالت عائشة بن أحمد عن مشاركتها في حكاية روحي فيك والتي تم عرضها على شاشة قناة dmc: "الدورين صعبين أوي بقدم شخصيتين مش شبه بعض خالص والمشكلة أن في مشهد واحد بقدم الشخصيتين وساعات ببقى بشخصية "سحر" بس في نقلات في الأداء ودا كان مرهق جدا بالنسبة ليا ومحتاج تركيز أكتر من شخصيات قدمتها قبل كده كان موضوع صعب وممتع في نفس الوقت، كل شخصية بقدم كذا مرحلة ودا كان مرهق وبيعمل لخبطة كنت بدخل أصور وأتوه وأسأل المخرج هعمل إيه وأفكر إزاي".

وأضافت:" السينما وحشتني وحاسه إني مقصرة وأكيد لو اتعرض عليا حاجة وحسيت إني عاوزة أعملها هعملها أنا مش حاطة أولوية للمسلسلات أنا مستنية حاجة تيجي نفسي أقدمها، أما رمضان لسه بقرأ ومستقرتش على عمل لأني لسه مخلصة تصوير مسلسل "روحي فيك" ومحتاجة أفصل شوية وأريح وبعدها أكمل قراءة الحاجات اللي جاتلي".