ماجدة خير الله لبيومي فؤاد: مش جاي عشان الفلوس أومال جاي عشان تتعشي اخر الليل

قالت الناقدة ماجدة خيرالله، أن كل شخص حر في التعبير عن رأيه سواء تضامن مع موقف الفنان بيومي فؤاد مثل الفنانة وفاء عامر، أو رفض موقفه مثل صبري فراز والمخرجة كاملة أبو ذكري، مؤكدة أنها أندهشت من جملة "إحنا مش جايين علشان الفلوس" التي ذكرها بيومي فؤاد خلال نهاية العرض المسرحي.

وتابعت الناقدة ماجدة خير الله، خلال مداخلة تلفزيونية لها في أحد البرامج قائلة :"أنا استغربت من الجملة اللي قالها إحنا مش جايين علشان الفلوس.. أومال أنت جاي علشان يعشوك أخر الليل.. ما أي حد بيقدم عمل فني أو غير فني بيتقاضى عليه أجر ياخده بإحترام".

وأستكملت " خير الله"، أنه الجمهور هو الذي يملك الحق أن يشكر الفنان وهو أمر معتاد عليه منذ قديم الأزل ولكن ليس العكس، وكل شخص إحترامه لنفسه يجعله يتصرف كما يشاء، وأن الفنان بعد نهاية العرض المسرحي يفترض أن يظهر برفقة زملائه ويحيون الجمهور ثم يسدل الستار.

وأختتمت "خير الله"، حديثها قائلة :"بيومي فؤاد قال والله ما أخدنا فلوس.. إيه يا ابني فيه إيه!؟ حاجه ولا التسول ده لو فيه متسول في الشارع هتديله فلوس مش هيقولك كتر خيرك كتر خيرك".