أسكت..رسالة نارية من فنانة مشهورة لبيومي فؤاد

هاجمت الفنانة معتزة عبدالصبور الفنان بيومي فؤاد بعد ما قاله بشأن أنسحاب محمد سلام من مسرحية زواج أصطناعي بموسم الرياض عبر حسابها علي مواقع التواصل الأجتماعي " فيس بوك "

كتبت معتزه " من أهداف الفن الكبير جدا

هو entertainment إني أرقص وأغني وأضحك الجمهور القدره علي ده نعمه وموهبه من عند الله يجب أن أحسن أستخدمها ، الترفيه في حد ذاته هدف هدف نبيل جدا من أهداف الفن الكثيره جدًا .

وتابعت " فمش مفهوم خالص بالنسبه لي ليه حد ينفي إنه بيعمل ده وهو ده الي هو بيعمله بالظبط يزايد علي من ليس لديه القدره النفسيه علي فعل ده في اللحظه دي !

والترفيه في حد ذاته من خلال الفن لا يعيب أي فنان في شئ ، وقت الحروب كانت كوكب الشرق بتلف مصر والعالم العربي تجمع الأموال من أجل المجهودات الحربيه ، أحنا حتي اللحظه دي مش في حاله حرب معلنه .

واضافت أيضا : كلنا كشعب مذبوحين حتي كنت أحترمنا أحنا كمان وكنت أحترم أخواتنا الي أحنا مذبوحين علشانهم

كنت محترم حضرتك جدًا وأحترم أختيارك لو كنت حضرتك عملت شغلك وسكت أحتراما لكل شئ ولكن المكلومين

التوقيت يا فندم التوقيت بيبقي قاتل مش بس غير مناسب ، ولكن سب وجرح غائر وهو ما أكثر فداحه .

وتابعت " أنا كنت طول الوقت ملتمسه العذر أن دي توقيتات عمل صعب تغييرها ولكن مفيش شئ مستحيل وكان كل عشمي أن حضرتك لما تمسك الميكرفون علشان تقول أي حاجه تقول طلب بسيط من جمهورك الي أنا عارفه شعبيتك وحجمها كويس ، التبرع من أجل غزه والضغط من أجل أطلاق النار وده كان يكفي تماما ، بالمنسبه أخواتنا في غزه النهارده وصل بيهم الأمر انهم بيلفوا علي البيوت يشحتوا .

وإختتمت " لو حد عنده أي شئ ذياده في الأكل للأطفال الصغار الي حرفيا بيموتوا وأجهزه جسمهم بتقفل من الجوع والمتوقع أن الصغار الي أعمارهم أقل من خمس سنوات وكبار السن هيموتوا من الجوع والعطش لإن أجهزه جسمهم لن تتحمل ده ، ده لوً مماتوشً من القصف الجوي ، قولت احط المعلومه التافهه دي مع الأستاذ التريند يمكن تلفت نظر أي حد".