بكلمات مؤثرة.. رشا سامي العدل تحيي ذكرى ميلاد والدها ”كل سنة و أنت حبي الأكبر”

بكلمات مبكية ومؤلمة، أحيت رشا ابنة الفنان القدير سامي العدل، اليوم الخميس ذكرى ميلاد والدها الغائب عن عالمنا، وذلك من خلال منشور لها عبر حسابها الرسمي بموقع التواصل الاجتماعي فيسبوك.

كتبت رشا سامي العدل، في منشورها، قائلة: «عيد ميلاد مين الليلة ... عيد ميلاد قمر العيلة .. انت قمر حياتي، شمسها و نجومها ، انت المعني الحقيقي للحياة و سبب وجودي في الدنيا، رغم اني زعلانة منك انك سبتني كل السنين دي تايهة في غابة بي مش هاغلس عليك في عيد ميلادك ، كل سنة و انت حبي الأكبر كل سنة و انت علي بالي و في قلبي قاعد متربع علي عرشه».

وأضافت رشا العدل، قائلة: «كل سنة و انا بحبك و اشتاقلك اكتر ، فراقك صعب قوي علشان انت مستحيل تتكرر تاني في الحياة ، مالكش زي مالكش بديل ، مش عارفة اعوض عدم وجودك ده مهما حاولت ، نفسي قوي كنت تبقي موجود دلوقتي و الله اجري عليك اترمي في حضنك و انت لوحدك هاتفهم اللي جوايا كالعادة ... وحشتني يا ظهري و سندي كل سنة و انت حياتي.. الله يرحمك و يغفر لك يا قلب قلبي».