”فسحت بنتها وهي بترمي الجثة”.. سيدة القليوبية اقتادت صديقتها للموت… نص تحقيقات

سيدة القليوبية .. لقب أطلقه الأهالي على سيدة تدعى "ن.ع"، بعدما لقت مصرعها بصورة بشعة على يد صديقتها ونجليها بعد محاولتهم سرقة مصوغاتها الذهبية.

انكشف الستار عن الجريمة بعد العثور على جثة السيدة في أعقاب اختفائها لمدة تزيد عن أسبوع حتى وجدها الأهالي عارية وملقاة بإهمال بإحدى مقالب القمامة في القليوبية والحيوانات الضالة تنهش في جسدها.

”جثة عارية ومتآكلة”.. ماذا قال زوج ضحية القليوبية؟… نص تحقيقات

وتنشر "النهار المصرية"، نص التحقيقات في القضية 7905 لسنة 2023 جنايات مركز قليوب، والمقيدة برقم 662 لسنة 2023 كلي جنوب بنها.

وننشر أقوال الطفلة "س.ع"، 14عامًا، نجلة المتهمة الرئيسية في القضية، والتي اعترفت أن والدتها أقدمت على إزهاق روح صديقتها لسرقة مصوغاتها الذهبية.

فيديو مخل و20 ألف جنيه.. اعترافات صادمة لقاتلة صديقتها بالقليوبية… نص تحقيقات

وقالت المتهمة: "اللي حصل إن أمي تعرف المجني عليها عن طريق ست اسمها أم خالد، وكانت حكتلي قبل كدة إن الضحية بتبتزها بفيديو ليها مع واحد وبتهددها إنها هتبعت الفيديو لأبويا، ولقيت أمي بتقولي إحنا هنجيبها عندنا البيت ونثبتها وناخد الحاجة اللي معاها ونعمل معاها أي موقف عشان تبطل تهددها".

وأردفت: "أمي قالتلي إن المجني عليها معاها فلوس ومرتاحة وعلى طول لابسة دهب وإحنا محتاجين فلوسها عشان نسدد الديون اللي علينا، وتاني يوم ماما كلمتها وقالتلها إنها تعرف راجل أجنبي وطالبها بالاسم وهيدفع 5 آلاف جنيه".

وأضافت: "لما الضحية جت على أول الشارع أمي طلبت مني أني أنزل أجيبها لحد البيت ووقتها اتعرفت على أخويا على إنه الراجل الأجنبي وقعدت تتكلم شوية ودخلت الأوضة وأخويا دخل وراها وكتفها ونده على أمي".

”معرفناش نشيلها فدحرجناها على السلم”.. ماذا قالت قاتلة سيدة القليوبية… نص تحقيقات

وتابعت: "أنا شوفت أمي بتجيب فوطة مبلولة من تحت المخدة وبعدها مشوفتش أي حاجة لحد ما الضحية بطلت حركة وبعدها أنا وأمي وأخويا قعدنا في الصالة وسبنا الجثة جوا ساعة ونص لحد ما اتفقوا أنهم هياخدوها ويرموها في الرشاح".

وأوردت: "أمي اتفقت مع أخويا أنه يجيب موتوسيكل من أي حد ويشيلوا عليه الجثة وأخويا سمع كلامها فعلا ونزل جاب الموتوسيكل وأمي نزلت الجثة وأنا كنت قاعدة في البيت لوحدي وبعد كدة مقدرتش أقعد فقلتلهم أنا عاوزة أجي معاكم وخدوني معاهم".

وأوضحت: "أخويا راح يجيب توك توك ورجع وحطوا الملاية وجواها الجثة في الكنبة اللي ورا وأنا وأمي قعدنا على الجنبين وحطيناها في النص وفهمت سواق التوك توك إن دي هدوم هي رايحة تبيعها وأخويا كان ماشي ورانا بالموتوسيكل".

وأشارت: "بسبب تقل الجثة معرفناش نرميها في الرشاح واضطرينا نجرجرها عند الزبالة اللي ورا الشجر وسبناها وركبنا المتوسيكل وأنا نزلت للصايغ عشان أبيع الخاتم اللي كان معاها وعرفت إنه دهب صيني فرجعت على البيت وخدنا الفلوس اللي كانت عاملة 1000 جنيه، وبعدها بيومين أخويا باع التليفون بـ1200 جنيه".