”معرفناش نشيلها فدحرجناها على السلم”.. ماذا قالت قاتلة سيدة القليوبية… نص تحقيقات

ضحية القليوبية .. لقب أطلقه الأهالي على سيدة تدعى "ن.ع"، بعدما لقت مصرعها بصورة بشعة على يد صديقتها ونجليها بعد محاولتهم سرقة مصوغاتها الذهبية.

انكشف الستار عن الجريمة بعد العثور على جثة السيدة في أعقاب اختفائها لمدة تزيد عن أسبوع حتى وجدها الأهالي عارية وملقاة بإهمال بإحدى مقالب القمامة في القليوبية والحيوانات الضالة تنهش في جسدها.

وتنشر "النهار المصرية"، نص التحقيقات في القضية 7905 لسنة 2023 جنايات مركز قليوب، والمقيدة برقم 662 لسنة 2023 كلي جنوب بنها.

وننشر أقوال "ن.م"، 39 سنة، المتهمة الرئيسية في القضية، والتي اعترفت بإزهاق روح صديقتها بعدما ابتزتها الأخيرة بمقطع فيديو مخل لها، فقررت الأولى قتلها وسرقة مصوغاتها الذهبية.

وأكدت المتهمة: "يوم الجريمة أنا كلمت الضحية وقولتلها أنا أعرف واحد أجنبي عاوز واحدة وهيدفع اللي تطلبيه فهي طلبت 5 آلاف جنيه واتفقنا أن هي هتاخد 3 آلاف وأنا هاخد ألفين جنيه".

وأردفت: "لما جت عندي البيت عرفتها بابني الكبير على أنه الراجل الأجنبي وقعدنا شوية وهي دخلت أوضتي وبعدها ابني دخل كتفها وشل حركتها ونده عليا وقالي تعالي بسرعة وأنا روحت جبت قماشة مبلولة وكتمت بيها نفسها لحد ما ماتت".

”جثة عارية ومتآكلة”.. ماذا قال زوج ضحية القليوبية؟… نص تحقيقات

وتابعت: "بعد ما اتأكدت من وفاتها أخدت منها 3 حلقان وخاتم ومحبس كانت لابساهم وفتشت الشنطة اللي كانت معاها لقيت فيها شوية هدوم وفلوس حوالي 1000 جنيه وكروت فيزا و4 شرايح تليفون والتليفون بتاعها ولما لقيت ولادي مخضوضين من المنظر أخدتهم وطلعنا برا في الصالة وسيبنا جثة الضحية جوا لمدة ساعة".

وأردفت: "إحنا اتفقنا ناخد الجثة ونرميها في الرشاح في شارع زاوية النجار واتفقت مع ابني يجيب متوسيكل من أي حد ونشيل عليه الجثة وجبت ملايتين سرير وحطيتهم على الأرض ونزلنا جثة المجني عليها وجبت حبلين وربطت الرجل الشمال بالإيد الشمال والرجل اليمين بالإيد اليمين وربطت الملايات في بعض".

فيديو مخل و20 ألف جنيه.. اعترافات صادمة لقاتلة صديقتها بالقليوبية… نص تحقيقات

وأوردت: "ابني الكبير نزل جاب متوسيكل من واحد وجالي وحاولنا نشيل جثة الضحية فلقيناها تقيلة فاضطرينا ندحرجها على السلم ورفعنا الملاية وجواها الجثة بالعافية على المتوسيكل وابني كان سايق وأنا وراه وبيننا الجثة ومع أول ملف الجثة وقعت".

وأوضحت:"قولت لابني أنه يروح يجيب توك توك عشان نشيل فيه القتيلة وقتها بنتي الصغيرة قالتلي أنا عاوزة آجي معاكم وركبنا التوك توك إحنا الاتنين وابني جه ورانا بالمتوسيكل وأنا فهمت السواق إن اللي معايا دي هدوم ورايحة أبيعها لحد ما وصلنا عند مقلب زبالة ورميت فيه الجثة".

وأشارت: "بنتي الصغيرة راحت عن الصايغ عشان تبيع الخاتم فالصايغ قالها ده دهب صيني فهي رجعت ورجعنا كلنا البيت وبعدها ابني راح يبيع التليفون وباعه بـ1200 جنيه".