أول مرة أجي العلمين وبنتي كانت عايزة تحضر.. ”مي سليم” تفتح قلبها على الريد كاربت بمهرجان القاهرة للدراما

أعربت الفنانة "مي سليم" عن سعادتها البالغة بوجودها لأول مرة بمدينة العلمين الجديدة وعلقت قائلة : "تجولت واستمتعت وعندي مشكلة.. بنتي عايزة تيجي كل يوم عشان فيه تنوع فظيع فيه حفلات ومهرجانات وكان نفسها تحضر معايا".

وتابعت "مي" حديثها قائلة: "حقيقة حاجه ممتعة ومختلفة ومستمتعين بيها والجو حلو والحفلات الغنائية كلها ممتعة سواء شوفناها مذاعة او حضرناها".

وعن أدوار الشر قالت "مي": انا مش شريرة الشخصية هي اللي شريرة والله كله تمثيل.. انا سعيدة لما بقدم شخصية سواء خير او شر احنا بنقدم رسالة من خلالها والحمدلله بعرف أوصلها واكون عند حسن ظن الجمهور".

وعن اختيار ادوارها قالت "مي" : "حريصة على تقديم افضل الاعمال ومكنش مكررة واقدم حاجة مختلفة والرسالة من خلال الشخصية تكون مختلفة".

واحتتمت "مي" حديثها بتوجيه رسالة شكر للقائمين على المهرجان فقالت: "ميرسي لكل المنظمين وبشكرهم واحد واحد وبقولهم من نجاح لنجاح .