تامر حسني يوجه رسالة تحفيزية للجمهور: لو حلمك صعب اجتهد وهتحققه ربنا بيكرم طول ما نيتك خير

شارك الفنان تامر حسني جمهور ومتابعيه، فيديو لشاب من ذوي الاحتياجات الخاصة في مسابقة لـ رفع الأثقال رغم صعوبة الأمر عليه، موجها من خلاله رسالة تحفيزية للشباب، وذلك ليس بغريب على نجم الجيل.

تامر حسني يوجه رسالة تحفيزية للشباب

وكتب تامر حسني عبر حسابه الرسمي في موقع تبادل الصور والفيديوهات انستجرام: اللي عنده إراده زي دي رغم ظروفه الصعبه هيقدر يرفع حلمه لفوق زي ما الشاب العظيم ده صمم و رفع الاثقال و مش اتحدى الوزن بس لا اتحدى الوزن و التوازن يعني انت ممكن تتخيل ان في حلم صعب عليك بس لو اجتهدت هتحققه و نص بس على شرطإملى روحك بالطموح مش بالاحقاد و الغيره.

واستكمل تامر حسني حديثه: ربنا بيوفق كل مجتهد حتى لو سعى غلط او سعى و منجحش مره و ١٠ هيكرمه في النهايه عشان ربنا بيكرم على المجهود اوعى تتخيل ان وقتك ضاع طول ما نيتك من البدايه خير (( اعرف ان الطريق هيتفتحلك مادام ربنا الهمك تمشيه )) حتى لو قابلتك صعاب و احباطات و لو قفلت اكتر !! راجع نيتك و نفسيتك بس متضحكش على نفسك و اول ما هتوصل للسلام النفسي و تواجه نفسك بغلطك او بنيتك اللي مكانتش سليمه هتفك عقد كتير و هتعرف ان الحل في ايدك و النجاح هيجيلك اسرع ان شاء الله.

أخر أعمال تامر حسني الفنية

ومن ناحية أخرى، يُعرض لـ تامر حسني في سينمات الوطن العربي حاليا فيلم “تاج” ، والذي يخوض بطولته إلى جانب كل من النجوم دينا الشربيني، هالة فاخر، عمرو عبد الجليل، ساندي، أحمد بدير، ليلى عز العرب، وعدد آخر من الفنانين وضيوف الشرف، والعمل قصة وسيناريو وحوار تامر حسني، إخراج سارة وفيق.

وتدور أحداث فيلم تاج حول شاب يدعى تاج يمتلك قوة خارقة ورثها من اجداده، ولكن يكون تاج هو الوحيد من أفراد العائلة الذي يستخدم هذه القوة في الخير، ولكن يصطدم بأخيه التوأم الذي يمتلك القوة الاكبر ويريد استغلال قوة تاج في الاختفاء على سرقة بنك فتبدأ بينهم الصراعات.