عمر طاهر: من حسن حظي إن هوايتي هي أكل عيشي

بدأت منذ قليل ندوة للكاتب عمر طاهر، في مكتبة مصر العامة، والتي جاءت تحت عنوان "عالم عمر طاهر".
وقال عمر طاهر خلال الندوة، " أساس شغلي إن أي فكرة اكتسبتها بكون عايز أقدمها.. الأساس يكون عند الشخص حاجة يقولها سواء كان قصة أو سيناريو.. لكن الأساس عندي الفكرة اللي هي دايمًا بتختار الفستان اللي هتلبسه، الفكرة هي صاحبة القرار وأنا بشتغل عندها".
وأضاف، طاهر، " أنا بقدم العمل وبتمنى يوصل للناس.. أنا مش بكتب علشان التريند ولا الذوق العام لكن بكتب اللي بستمتع بيه فقط، أنا بكتب علشان دي الحاجة اللي بحب أعملها وبعرف أعملها وبلاقي نفسي فيها، ومن حسن حظي أن الهواية اللي بستمتع بيها تكون هي أكل عيشي".