نوليا: الراجل بتاع الستات مترباش.. وخبير علاقات زوجية يعلق: الأفلام اللي وصلت للراجل أن اللي عنده علاقات كتير أنه أكثر رجولة
كشف مينا مكرم خبير العلاقات الزوجية، عن سبب الأسباب الأكثر شيوعًا للخلافات بين الأزواج، مؤكدًا أن الخلافات نابعة من النشأة والعائلة.
وقال منيا مكرم خلال حواره فيء برنامج “من غير نفسنة” الذي تقدمه الفنانة انتصار وبدرية طلبة ونوليا، عبر شاشة قناة “هي”: كتير من المشاكل اللي بنتخانق عليها النهاردة سببها حاجات قديمة، ودي بترجع للراجل أو الست في بيت أهله زمان، في الطفولة والتربية، والحاجة اللي شافها اللي بتطلع له القيم اللي هي أعمق نقطة في مخ الإنسان.
وعلقت نوليا على حديث مينا مكرم، قائلًا: طب والراجل بتاع الستات ده فين القيم بتاعته ده مترباش أصلًا.
ليرد مينا مكرم، قائلًا: باباه كان كده والتلفزيون والأفلام وصلت له أن الراجل اللي عنده علاقات كتير أكثر رجولة من الراجل اللي عنده علاقة واحدة، وسواء السينما عربية أو أجنيبة بتوصل ده، والراجل مبيكونش مبسوط لأن الحب هو اللي بيبسط، ودي طفاسة وبيشبع غريزة الصيد عنده، ومعتقدش أنه بيكون بيحب مراته.
وتابع: فكرة العنف في البيت كتير من الولاد بيبقوا رافضين ده في البيت، ولكن في بيوتهم لما بيكبروا بيعملوا الإسقاط ده مرة تانية حتى وهو مش راضي عنه لأن ده اللي اتربى عليه.
وأضاف: من أكتر الحاجات التافهة اللي بتعمل مشاكل دلوقتي في البيوت هي السوشيال ميديا، الناس تبتقى قاعدة متربصة لبعض ودي كارثة.
“من غير نفسنة” برنامج نسائي ساخر يقدمه كلا من الفنانة انتصار وبدرية طلبة ونوليا، يعرض يوميًا من السبت إلى الثلاثاء، ويقدم عددًا من القضايا الاجتماعية بطريقته الساخرة والخاصة من خلال استضافة عددًا من الشخصيات المؤثرة على السوشيال ميديا والمشاهير والفنانين لمعرفة آرائهم في تلك القضايا.
.jpeg)
.jpg)
